@uzbyuksalish

Telegram

@uzbyuksalish

A`ZO BO`LISH

Vakansiya: Matbuot xizmati rahbari lavozimiga nomzod izlamoqdamiz

 2023-10-30 16:47:42   |     Просмотров: 2505

“Yuksalish” umummilliy harakati Matbuot xizmati rahbari – rais maslahatchisi lavozimiga malakali mutaxassislarni ishga taklif qiladi:

Talablar:

• oliy ma’lumot;

• jurnalistika mutaxassisligi bo‘yicha 3 yildan kam bo‘lmagan ish tajribasi (chet tillarini bilish, matbuot xizmati, PR yo‘nalishidagi tajriba ustunlik beradi);

• mas’uliyatlilik, ishga bo‘lgan ijobiy munosabat, tahliliy va tanqidiy fikrlash, katta axborotlar oqimi bilan ishlash ko‘nikmasi, stressga bardoshlilik, yetakchilik qobiliyatlari;

• to‘liq bandlik (09:00—18:00), besh ish kuni.

Vazifa va majburiyatlar:

• tashkilotning axborot siyosatini hamda Matbuot xizmati ishining joriy va kelgusi rejalarini tuzish, ularni amalga oshirish;

• tashkilot faoliyatini axborot bilan ta’minlash;

• axborot makonini muntazam monitoring qilish (zarur bo‘lganda munosabat bildirish);

• jamoatchilik bilan muloqot va o‘zaro hamkorlik bo‘yicha chora-tadbirlar rejasini ishlab chiqish;

• tashkilotning sayti, axborot kanallari samaradorligini tahlil qilish, ularni takomillashtirish bo‘yicha takliflar kiritish.

Oylik maosh suhbat asosida (nomzodning bilimi va tajribasiga qarab).

Imkoniyatlar: Jamoaning qo‘llab-quvvatlovi, davlat va mintaqaviy darajadagi loyihalarda ishtirok etish, O‘zbekiston Mehnat kodeksi bo‘yicha rasmiy bandlik.

Nomzodlar o‘zi haqidagi ma’lumotnoma (rezyume)ni “Yuksalish” harakatining info@yumh.uz  elektron manziliga “Matbuot xizmati rahbarligi uchun vakansiya” deb yozgan holda yuborishlarini so‘raymiz.

Manzil: Toshkent sh., Furqat ko‘chasi, 1-uy (“Do‘stlik va NNTlar uyi” binosi, 8-qavat).